Sefela 121
1
Tlong, re hateng, banab’eso
Mehlaleng eohle ea Jesu
Ea jereng sefapano
2
‘Me bohle re tla ithuta
Hobane libe tsa rona
Li tshoanela tefelo
3
Utloang, Bajodi ba qosa
Lefu la Jesu ka matla
Ka khotla ha Pilato
4
Bonang, Jesu o jarisoa
Sefate see se boima
Sefate sa topollo
5
Jonna! Jesu har’a tsela
O khathetse, ‘me o oela
Ka tlas’a sefapano
6
Joale ‘M’a hae o khahlana
Le Jesu ka tsatsi lena
La lefu le la lillo
7
Hona moo, Jesu a thusoa
Ke Simone oa Sirena
Ho jara sefapano
8
Veronika o s’a fohla
Masole ho tla hlakola
Sa Jesu sefahleho
9
Jesu o oa la bobeli
Har’a tsela ‘me Bajodi
Ba mo tsosa ka chapo
10
Jesu o re: Se keng la lla
Lona ba Jerusalema
Basadi ba molemo
11
Jesu hape a khathala
Ke la boraro a oela
Tseleng ee ea mahloko
12
Re pateng mahlo a rona
Re se boneng Jesu mona
Ea amohoang likobo
13
Eaba ba nka lithakhisa
Ba mo khokhothella thata
Holim’a sefapano
14
Joo! re fihlile moo Jesu
A shoang ka baka la batho
Ba sitetsoeng Molimo
15
‘Me Bajodi ba fanyolla
Setopo see sa Morena
Ba se busetsa ‘M’a hae
16
Josefa a nka sotopo
A se pata ka linoko
Bitleng la hae le lecha
17
Joale rona, banab’eso
Re etseng pallo ho Jesu
Ea pako le tefelo