Sefela 90
1
Oho! Monna ea tshepehileng
Oa Maria ea hloekileng,
Molebeli oa Ngoana Jesu
Ea bokhabane haholo,
Mopatriareka ntat’a rona,
Setloholo sa marena,
Bolebeling ba hao bo matla
Kajeno rea ipeha.
Chorus
Bakriste hopolang Josefa,
Le ithabeleng ka eena;
Le lona mangeloi le tlatse
Ka fela tsa lona tse ntle.
2
Ka mohlomong eena Josefa
A eteloa ke khosana,
Lengeloi le tsoang paradising,
A beheloa tsa sephiring,
Ha thoe: oho! Mor’a Davida,
Se tshabe ho nka Maria
Hoba se emotsoeng ke eena
Ke se emmotsoeng ke Moea.
3
Oho! Bonang joale, ba heso,
MOrena oa rona Jesu
Ha a s’a ipehile mofo
Ka hlonepho le mamelo,
O rongoa hohle ke Josefa,
‘Me kamehla, oa mamela;
Ke boikokobetso bo joang!
Ea ka ikhantshang na ke mang?
4
Oho Josefa! rea tshepa,
U tla ‘n’u be ntat’a rona
Re ipeha matsohong a hao
E, re tla ba ban aba hao.
Ho chehiloe hohle lefatsheng,
Re ka khetshemela sebeng;
Empa u tla re halaletsa
Re bana, rea fokola.