Sefela 145
1
Oho! banabeso hle!
Re batleng pholoho!
Ka mehla re hopoleng
E le setshabelo
Chorus
Ea nang le poloko
O ruile tsohle
O na le lehlohonolo
Le fetisang tsohle
2
‘Me le ha re ka rua
Re sa le lefatsheng
Ha moea o timela
Na re tla thusoa ke’ng?
3
Re tsebeng, taba ena
Ke lentsoe la Jesu
O re bolella lona
Rona banab’eso
4
Ea ratang ho fihlisa
Moea oa hae botleng
U tshoanetse ho etsa
Ketso tse lokileng
5
Re tla ea leholimong
Ha re ka pholoha
Empa re tla ea mollong
Ha re ka lahleha
Share with someoneā¦