Sefela 123
Ntate oa leseli lohle
O n’a shebe Magdalena
‘Me eaba mollo oa tuka
E le lerato le letle
2
Eaba o hajoa ke pelo
‘Me a mathela ho ngaka
A pota motse a ‘matla
A re Na le bone Jesu
3
A utloa o ha Simone
Mpsali a beta pelo
A iphihlisa ho Jesu
Joale a utloa monate
4
Bonang, o s’a kolobisa
Maoto a hae ka meokho
‘Me ka meriri ea hloho
O ntse a hlakola ‘ona
5
Eaba o mo aka maoto
A a tlotsa ka setlolo
Ke mesebetsi ea pako
Ke tshokoloho ea pelo
6
O kile a ema tlase
Ha sefapano sa Jesu
A khomarela maoto
A maroba a leng mali
7
A fihla lebitleng pele
A sa tshabe bahlabani
A fumana a le sieo
A tshelisoa ke mangeloi
8
Jesu ea tsohileng bafung
A hlaha, a re: Maria!
‘Me eena a re: Mong’a ka
A nts’a itihela maotong
9
Oh! Maria Magdalena
Ho sa na le ba bangata
Ba shoele lefung la moea
Rapela, ‘me ba tla tsoha
10
Jesu, sehlare se matla
Tshepo ea baetsalibe
U re fe soabo ea ‘nete
Re etsise Magdalena