Sefela 93
1
Matla a Josefa ea halalelang
H’a hloloe ke letho h’a re rapella,
Thapelo tsa hae ha li oele fatshe
Li ananeloa ke Mor’a Molimo.
2
Josefa o ne a phelisa Jesu
A ‘malehisetsa mane ha Faro,
‘Me a mo ntsha liatleng tsa Heroda,
Morena ea lonya oa moikhantshi.
3
Oho hle Josefa, ak’u re utlooe,
U re rapelle ho Jesu Morena,
Hobane ‘Mopi o u entse Tona
Le ‘maballi oa ntlo e halalelang.
4
Ak’u namolele ba u rapelang,
Ba se ke ba jeoa ke sebatana;
U ba qobeletse menong a sera,
Moleki a hloloe ‘me a thasehe.
5
U Mosireletsi o aba lekhatheng,
U tl’u nkhopole hle mohla ke tla shoa
Ke tle ke phomole ke fihle khotsong
Moo ke tla fumana mofapahloho.