Sefela 210
1
Ka lifela tse ntle haholo
Re bineleng Molopolli
E kajeno re fuoa Eena
Eena Ngoana oa Molimo
Hoba Misseng ka nako e kholo
Bohobe bo nyametse tuu
Ho hlahile Molimo Motho
A re mo rateng le rona.
2
Balisa re ne re lisitse
Metebong har’a Maloti
Eare tsatsing le leng ra utloa
Hang khoeletso ea Ntate
A bolela a re ho rona
Tlong bohle kea le bitsa
‘Moloki o nts’a le luletse
Ke Eena Kriste Morena.
3
Kajeno re fihlile Jesu,
U re tshwarele litshito
Le baholo ba fe Tumelo
Ba re holise ka ho uena
Ba se ke ba re lahla koo
Le rona re bopetsoe Kriste
Ke Monghali oa mee’a batho
Ke Morena oa Marena.
4
Oho Jesu, Morena oa ka
Ke se ke u khumamela
Ke u nehela pelo ea ka
Lerato la hao le ntlhotse
‘Me bottle ba hao bo nkhahlile
Le ‘na ke sitoa ho hana
Ke se ke u fa moea oa ka
O be ho uena ka mehla.