Sefela 125
1
Rona sechaba sa bakriste,
Re nyakalleng hamonate;
Jesu o hlotse o tsohile
Joaloka ha a boletse.
Chorus
Moea oa ka ak’u binele
Tsoho ea Mor’a Molimo
Ho mo rata ke thabo e ntle!
Ho mo jaka ke monono!
Ho mo rata ke thabo e ntle!
Ho mo jaka ke monono.
2
Bajodi ba ne ba ikhantsha,
Ba re Jesu o s’a shoele,
Thuto ea hae ke ea bohata;
Kajeno ba thasehile.
3
Uena, Maria Madgalena,
U paki e tshepehileng;
Re re: Na u tla re bolella
Seo u se boning Tseleng?
4
Ke bone lebitla la Jesu,
Ke bone Jesu ea phelang;
O thabile oa ka ‘Moloki;
Le Mangeloi a mabeli.
5
Ke bone lesela la hloho
Le masala a hae a mang;
Ke bone Mong’a ka ka mahlo,
Ke mo utloile a mpitsa.
6
Ahe! Jesu tshepo ea ‘nete;
Ka uena re hlotse lefu;
Le rona re tla tsoha ruri
Ho ea tlotlisoa le uena.